Nagdangat sa 49 ka tawo ang ginbawian sang kabuhi bangud sa tuman nga ka-uhaw matapos maguba ang ginsakyan nga truck sa malayo nga bahin sang Sahara Desert sa naaminhan sang Niger, suno sa mga otoridad.
Ang mga biktima ang pabalik na kuntani naggikan sa Mali, nabagatnan nga bahin sang Sahara Desert, matapos mag-obserbar sang Eid al-Adha sang ma-stranded sila masobra 80 kilometros naggikan sa una nga border crossing sang Assamaka.
Bangud sa tuman ka init kag kakulang sang tubig, wala nakaluwas ang kadam-an kag nautas ang ila kabuhi, samtang duha lamang ang luwas matapos maglakat kag nakapangayo sang bulig.
Santo sa lokal nga panguluhan sang Agadez, ang mga bangkay ang nasapwan sa sulod kag palibot sang salakyan.
Isa pa ka trak nga may masobra 60 ka pasahero ang na-rescue man matapos ma-stranded sa pareho nga ruta.
Padayon ang pahanumdom sang mga otoridad natuhoy sa risgo sang pagtabok sa disyerto, nga isa sa mga nagapanguna nga ruta sang mga migrante sa West Africa.
