BREAKING NEWS | Gin-anunsyar sang Islamic Revolutionary Guard Corps (IRGC) sang Iran nga liwat nila nga siraduhan ang Strait of Hormuz sa tanan nga sakayan-pandagat kasunod sang panibag-o nga mga pag-atake sang Estados Unidos.
Sa ila ginpagwa nga pahayag, ginadumilian ang paglabay sang mga oil tanker, commercial ships, kag iban pa nga sakayan-pandagat sa importante nga mga routa sa kadagatan.
Ginpaandam sang mga ini nga ang barko nga magatuyo nga maglabay ang ila nga mangin target.
Apang, ginkontra naman sang U.S. Central Command (CENTCOM) ang pahayag sang Iran kag ginpanindugan nga padayunon gihapon ang pahanugot sa paggwa-sulod sang mga commercial ships sa nasambit nga routa.
Sa report sang Iranian state media, may nagluntad nga komprontasyon sa tunga sang pwers sang Iran kag Estados Unidos sa Strait of Hormuz.
Ginpanginwala naman sang CENTCOM nga may naigo nga warships sang America.
