Ginalantaw sang Philippine National Police ang posibilidad nga mahimo naimpluwensiyahan sang online game nga GoreBox ang bayolente nga pamatasan sang isa sa duha ka menor de edad nga suspek sa pagpangluthang nga nagresulta sa pagkapatay sang tatlo ka indibidwal sang Lunes sa San Jose National High School sa Tacloban City.
Suno kay Jayson Capoy, director sang Police Regional Office sa Eastern Visayas, nagahampang sang GoreBox ang 14-anyos nga suspek.
Isa ini ka sandbox-style nga hampang nga may sensitibo nga content kag mga gore effects.
Ginausisa pa sa karon sang mga otoridad ang posibilidad nga nag-ugat sa pagpang-bully ang pag-atake, base sa una nga pahayag sang mga suspek.
Ginpaathag naman sini nagpabilin sa tatlo ang numero sang napatay samtang 20 naman ang pilason.
Samtang, nagmando naman si President Ferdinand “Bongbong” Marcos Jr. sang maid-id nga imbestigasyon natuhoy sa insidente.
