Ipatawag sang Bacolod City Legal Office ang mga vendors sa Bacolod Central Market matapos ma-monitor ang nagalinapta nga basura sa gwa sang Basura.
Nakuhaan sang litrato sang mga Bacolod Environment and Natural Resources Office (BENRO) personnel nga nagapaglimpyo sa lugar ang nagalinapta nga mga basura sa pila ka mga dalan partikular na sa dalan Bonifacio, kag Gatuslao sa Central Market sang Lunes.
Suno kay City Legal Officer Atty. Karol Joseph Chiu, ipatawag ang mga vendors agud ma-istoryahan kag ipahanumdom sa ila nga sila ang ginhatagan sang special permit nga makabaligya sa lugar sa baylo nga dapat sila ang nakahibalo sa proper disposal sang ila kaugalingon nga basura.
Suno kay Atty Chiu, wala sang garbage receptacle ang mga nagabaligya kag ang ila basura ang nagakadto sa mga tamburong.
Nagpaandam si Chui sa mga vendor nga mahimo i-cancel sang LGU ang ila special permit kag indi na sila tugutan nga makabaligya pa kun padayon sila nga nagahimo sang indi husto nga gawi nga makaperwisyo sa mga tawo.
