Solo nga panublian sang bugtong nga bata nga lalaki sang napatay nga singer nga si Liam Payne, sang iya masobra $29 million ukon P1.7 billion nga manggad.
Santo sa report, pagabatunon sang siyam ka tuig nga bata ni Liam nga si Bear Grey ang kabahin sang nasambit nga manggad sang iya amay samtang magapabilin ang iban sa isa ka trust tubtob nga mangin 18-anyos na ang iya edad.
Napatay ang former One Direction member nga si Liam sa edad nga 31-anyos sang Oct. 16, 2024 matapos ini mahulog sa iya hotel balcony sa Buenos Aires, Argentina.
Sang May 2025, ginhingadlan sang korte si Cheryl Cole nga anay partner ni Liam kag iloy sang iya anak, bilang administrator sang manggad sang singer.
Ginkilala man bilang administrator ang abogado nga si Atty Richard Mark Bray.
Sa isa naman ka report, nasaad nga pagadumalahan nanday Cole kag Bray ang amo nga manggad apang limitado lang sa karon ang ila otoridad kag indi nila ini mahimo nga ipanagtag.
