Gin-athag sang Police Regional Office Negros Island Region nga ang presensya sang kapulisan sa mga buluthuan ang para lamang sa peace and order.
Sa interview sang Bombo Radyo kay PRO-NIR Regional Director PBGEN Romano Cardiño, kun kaisa may yara sang nagapamatok nga malibot ang kapulisan sa mga buluthuan apang gin-athag sini nga wala sila sang intensyon nga maghatag sang kahadlok sa mga kabataan.
Suno diri, ang deployment sang pulis sa eskwelahan ang nagatuyo nga hatagan sang seguridad ang kabataan.
May yara sang ginhamtang nga police assistance desk sa mga gate sang buluthuan kag iban ginapasulod pa mismo sa eskwelahan.
May yara man sang nagapatigayon sang foot patrol kag mobile patrol para makita ang presensya sang kapulisan.
Pahayag ni Cardiño, ginpadugangan pa gid sini ang foot patrollers kun sa diin ginpaggwa naman ang mga admin staff para mag-augment sa patrolling kag checkpoint operations…Samtang….Hugot nga nagasunod ang Police Regional Office Negros Island Region ang mando ni Philippine National Police (PNP) Chief Gen. Jose Melencio Nartatez Jr. nga magakoordinar ang tanan nga police units sa Department of Education (DepEd) kag Commission on Higher Education (CHEd) para masiguro ang safety sang students.
Sa interview sang Bombo Radyo kay PRO-NIR Regional Director PBGEN Romano Cardiño, humalin sa pag-umpisa sang klase nagakoordinar ang kapulisan sa mga buluthuan kag may yara sila sang ginbutang nga police assistance desk sa mga schools nga willing lamang bangod ang iban indi luyag nga may presensya sang kapulisan sa ila nga eskwelahan.
Suno diri, nagakoodinar sila sa mga buluthuan ilabi na sa mga malayo nga lugar kag nagpanugyan man ini nga ireport kun may yara sang ma-assess nga violence sa mga kabataan para mahatagan sang nagakaigo nga tikang kag maprebentar ang indi manami nga hitabo.
