Posible nga hitsuhon anay ang pila ka mga mosyon kag mga procedural issues sa una nga adlaw sang impeachment trial batok kay Vice President Sara Duterte.
Suno kay House Prosecution spokesperson Ace Barbers, kinahanglan nga mangin solid ang paghulag sang trial kag masiguro nga wala sang anuman nga procedural lapses ukon legal nga problema agud magpadayon na ang trial.
Ang pagresolba ukon pagkay-o anay sa pila ka mga procedural issues ang importante nga tikang antes nga umpisahan ang pagpresentar sang mga ebidensya kag mga testigo nga mahimo patigayunon na sa mga masunod nga adlaw.
Magaumpisa sa adlaw sang Lunes ang trial batok sa bise presidente kag ginalauman nga magadugay sang masobra pito ka bulan.
Suno kay Barbers, plano sang tanan nga mga prosecutor nga magtambong sa una nga adlaw sang trial, kaupod na ang mga bag-o nga private prosecutor nga wala pa nakapasulod sang “entry of appearance”.
Gin-emphasize ni Barbers nga preparado na ang panel sa pagpresenta sang ebidensya kag mga testigo kag sa mga posibilidad nga madugayan ang trial.
Sa karun, maayo ang pagtamdanay sa tunga sang mga abogado sa pihak sang ila numero kag magkatuhay nga legal background.
