Nakasulod na sa Quarterfinals sang FIFA World Cup 2026 ang Morocco.
Ini matapos nga ginlutos sang mga ini ang Canada sa ila nga hampang sa Round of 16 subong nga adlaw.
Napasulod nanday Azzedine Ounahi kag Soufiane Rahimi ang tatlo ka goals para sa Morocco.
Si Ounahi ang una nga nakapasulod sang goal sa 50 minutes sang hampang kag ginpasundan niya ini sa 82 minutes kag gindugangan pagi ni Rahimi sang 8 minutes extension sa second half sang hampang.
Bangud sini, natapos naman ang kampanya sang Canada sa nasambit nga prestigious event sa patag sang football.
Si Canadian Prime Minister Mark Carney ang nagpahayag sa social media nga “nothing but pride” ang Canadian national football team.
Ginpasalamatan sini ang national football team sang Canada sa paghimo sang tanan agud ipakita nga may ikasarang ang Canada sa paghampang sa world stage.
Nagpasalamat man ini sa tanan nga fans kag supporters sang team.
