Nagpakasal ang Mexican Mayor sa isa ka babayi nga buaya bilang tradisyon sa pagpalig-on sa relasyon sang tawo sa palibot kag paglaom para sa pagpasanyog sa komunidad sa pala-abuton.
Si Mayor Daniel Gutierrez ang nagpakasal sa babayi nga buaya nga ginhingadlan “Ana Cintia Ramirez Ahumada” nga ginakabig bilang isa ka importante nga tradisyon sa ila nga lugar.
Ang symbolic wedding ang ginpatigayon sa San Pedro Huamelula, isa ka banwa sa Mexico kag masobra 230 ka tuig na ang amo nga tradisyon.
Kabahin man ini sa selebrasyon kay San Pedro Apostol, ang patron sa ila nga komunidad.
Sa pihak sang pinasahi nga kasal, ang seremonya ang indi tuhoy sa pagpakasal sa isa lamag kasapat.
Sa baylo, ginakabig sa mga residente sa lugar nga ini ang nagahatag sang maayu nga pangalabuhian sa ila.
Kalabanan sa pangalabuhian sa pamilya sa lugar amo ang pangisda kag panguma.
Gani nagapati ang mga tawo nga ang pag-updanay sang Alklade kag sa buaya ang makabulig sa ila agud mangin maayu ang ila pangalabuhian, magahatag sang kahilwayan kag maayu nga panlawas kag kun ang ginkasal ang mangabuhi nga may paghi-usa kag respeto sa isa kag isa.
