Lauman subong nga adlaw ang rollback ukon price hike sa presyo sang gasolina samtang magasaka naman ang presyo sa diesel kag kerosene base sa Department of Energy (DOE).
Sa gasolina, lauman nga magpanaug ukon magsaka sang P1.00 ang presyo sa kada litro sang gasolina, sa diesel naman magasaka sang P2.62 tubtob P4.62, kag sa kerosene, magasaka sang P2.22 tubtob P4.22 kada litro.
Ang pagsaka sang presyo sa produktong petrolyo ang bangud sa liwat nga paglala sang tensyon sa Middle East tuga sang liwat nga pagbaylohanay sang pagpang-atake sang Estados Unidos kag Iran gani liwat nga nagsirado ang Strait of Hormuz.
Suno kay DOE Secretary Sharon Garin, mahimo kakason sang DOE ang price adjustment range sa masunod nga semana kag maghatag lamang sang minimum ukon maximum nga oil price adjustment bangud sa pabag-o bag-o nga presyo sang langis sa world market.
