Umpisa subong nga adlaw ang mga panibag-o nga pagsaka sa presyo sang mga produktong petrolyo subong nga semana matapos mag-anunsyar ang mga oil firms sang panibag-o nga oil price hike bangud sa liwat nga paglala sang tensyon sa tunga sang Estados Unidos kag Iran sa Middle East.
Suno sa Department of Energy (DOE), ang maximum nga ginpahanugutan nga price adjustment humalin subong nga Martes, Hulyo 21, ang tubtob P3.65 kada litro para sa gasolina, P10.68 kada litro para sa diesel, kag P11.77 kada litro para sa kerosene.
Apang nakadepende gihapon sa kada oil company ang aktwal nga ipatuman nga presyo.
Sa magkatuhay nga advisory, nagpatuman sang price adjustment ang Pilipinas Shell Petroleum Corporation kag Seaoil Philippines Corporation sa tatlo ka bahin.
Sa Hulyo 21, may pagsaka nga P3.60 kada litro sa gasolina, P8.20 kada litro sa diesel, kag P8.10 kada litro sa kerosene.
Sa Hulyo 22, wala na sang dugang sa gasolina, apang madugangan sang P1.20 kada litro ang diesel, kag P2.30 kada litro ang kerosene.
Samtang, sa Hulyo 23, masaka sang P1.20 kada litro ang diesel kag P1.20 kada litro ang kerosene.
