10 ka mga area sa ciudad sang Bacolod ang ginbaha kasunod sa madamol nga pagbubo sang ulan kahapon.
Sa interview sang Bombo Radyo kay Dr Anna Maria Laarni Pornan, Head sang DRRMO Bacolod, ginpahayag sini nga nagsugod ang pagbubo sang madamol nga pag-ulan alas-4:30 tubtob alas-5:00 kahapon sang hapon.
Suno kay Pornan, sa paglibot nila may pila ka mga area nga nagsaka ang tubig, lakip diri ang Brgy 3, Nangka, Rosario, Brgy 10, Brgy 12, Palanca Road, SM City, Magsaysay, Corazon St, Lacson St, Arnaez St, Brgy 12, Lacson Magsaysay, Brgy Taculing sa CV Ramos kag Public Plaza.
Suno diri, isa sa mga rason sa pagbaha amo ang volume sang pag-ulan nga nagdangat sa 27 millimeter.
Nagdangat sa 1-2 feet ang lebel sang tubig baha.
Dugang pa, ang diversion channel sa bahin sang plaza kag SM City ang wala man nabuksan kag sang ila ginbuksan madasig naman nga nagsubside ang baha.
Alas-7:00 sang gab-i nagsubside na ang baha sa mga nasambit nga lugar.
Suno diri, wala sang may narecord nga pagbaha sa Purok Carvic kag Brgy Banago kasubong man sa Cabalagnan.
Wala man sang narecord nga pagsaka sang tubig sa mga suba kag evacuees.
Panugyan sini sa mga pumuluyo nga mangin vigilante kag mangaman kun may mga paglapaw sa tubig.
