Nakabatun sang kabug-usan nga P200,000 ang tanan nga Barangay sa Negros Occidental nga magakadto sa Barangay Projects kag lima ka napilian nga scholars sa idalom sang Bawat Barangay Makikinabang (BBM) program sang Office of the President.
Ang ceremonial payout ang ginpatigayon sa Panaad Park and Stadium subong nga hapon.
Ang aktibidad ang ginpangunahan ni Cabinet Secretary Benhur Abalos Jr, samtang yara man si Office of the President Assistant Secretary Rea Uy Epistola.
Luwas kay Negros Occidental Governor Eugenio Jose “Bong” Lacson, yara man ang mga opisyales sa Provincial Government, Barangay officials sa 601 ka Barangay sa probinsya, kag ang tig-lima ka mga napilian nga scholars sa kada Barangay.
Ang P100,000 ang para sa mga proyekto sang Barangay, samtang ang P100,000 ang para naman sa lima ka scholars, ukon tig-P20,000 sa kada estudyante.// Ang kabug-usan nga balor ang nagdangat sa P120,220,000.
Ang budget ang magikan sa Office of the President, idownload sa Negros Occidental Provincial Government, kag ang Provincial Government na ang magapanagtag sa kada Barangay.
