10 ka mga tawo ang napatay sa panibag-o nga pag-atake sang Russia sa Kyiv, Ukraine

Nagdangat sa 10 ka mga tawo ang napatay matapos maglunsyar sang ballistic missiles kag drone attack ang Russia sa Ukrainian capital sang Kyiv.

Ini ang kasunod sang major Russian attack sa palibot sa Ukraine sang nagligad nga duha ka adlaw.

Suno kay Ukrainian President Volodymyr Zelenskyy, 35 ka missiles lakip na ang 27 ka ballistic missiles kag 185 ka drones ang ginlunsyar sang Russia.

Magluwas sa mga napatay, 30 ka mga sibilyan ang pilason.

Una na nga ginsiling sang Defence Ministry sang Russia nga nagpatigayon sila sang “massive strike” sa Ukrainian military-industrial complex facilities kag logistics centers sa Kyiv.