Nagtakop na ang kampanya sang Filipina tennis star nga si Alex Eala nga sa karun World No. 20, sa Canada Open 2026 matapos siya ang ginlutos ni anay Olympic champion kag World No. 12 nga si Belinda Bencic sang Switzerland sa straight sets, 6-4, 6-0.
Sa una nga set, dikit ang hampang kag nagbayluhanay pa sang puntos ang duha ka players apang ginkulabos si Eala gani nakuha ni Bencic ang set.
Pag-abot sa ikaduha nga set dalayon na nga nakontrolar ni Bencic ang momentum sang hampang kabangdanan nga nabudlayan si Eala nga makapuntos.
Antes pa man ang hampang, ginbatyag na ni Eala ang ankle injury nga nakuha sa iya nga ulihi nga hampang batok kay Caty McNally, apang ginpadayon sini sagihapon ang hampang.
Kasunod sang pagkapierde, nagtakop ang kampang sang Filipina tennis star sa Round of 16.
Kasubong man, mainit sagihapon nga ginsuportahan kag ginpalakpakan sang mga Filipino fans ang hampang sini sa Canada Open.
