Indi magnubo sa 50 ka mga indibidwal, kalabanan mga kabataan, ang napatay matapos magkulob ang ginasakyan nga bangka sakay ang mga mangunguma naggikan sa Nigeria.
Nagpatigayon ang mga emergency services sang recovery operations sa bahin sang Goronyo, northwest sang Sokoto state matapos ang insidente kahapon sang aga.
Makita sa mga litrato nga gin-post sang pila ka mga news agency sa lugar nga nakaputos sa mga tela ang mga bangkay.
Suno kay Abdulkadir Yusuf, area manager sang National Inland Waterways Authority, nagapadayon ang rescue operations sa lugar.
Suno diri, kapin 40 ka mga bangkay sang mga kabataan ang nasapwan.
Ginabanta nagalab-ot sa 80 kabilog ang nagsakay sa bangka lakip diri ang mga mangunguma nga maga-ani sang bugas.
Pila sa mga ginalantaw nga rason sang insidente amo ang overcrowding, poor maintenance, kag weak safety regulations, nga masami gakatabo sa Nigeria ilabi na sa tig-ulolan.
