Natumod na ang suspek nga nagbuno-patay sa isa ka mangingisda sa ciudad sang Bacolod kahapon sang kaagahon, Agosto 30, 2026.
Sa interview sang Bombo Radyo Bacolod kay Police Lt. Conan Gadayan, Officer in Charge sang Bacolod Police Station 2, ginkumpirmar sini nga ang lugar nga ginluntaran sang krimen amo ang Purok Pilit 2, Barangay 6, Bacolod City kahapon alas 4:00 ang takna sang kaagahon.
Ginkilala ang biktima kay Delmar Tolosa, residente sang Barangay 6-A, Victorias City.
Suno kay Gadayan, santo sa pagtsekyar sang responder sang Bacolod City Disaster Risk Reduction Management Office sa biktima nakaangkon ini sang patal nga pilas tuga sang pagpamuno sa iya nga dughan.
Suno sa Officer in Charge sang Police Station 2 nga may nakakita nga residente sa suspek nga ginkilala kay alyas Joshua.
Wala pa sa karun sang nakuha nga impormasyon ang mga kapulisan sa motibo sang suspek sa pagbuno-patay sa biktima.
Ang suspek kag ang biktima ang indi kilalahay bangud si Tolosa ang residente sang, Victorias City kag nagatrabaho sa Barangay SUM-AG samtang ang suspek ang residente sang Barangay Banago, Bacolod City.
Sa karun, padayon pa ang imbestigasyon sang Bacolod Police Station 2 agud nga maestablisyar ang motibo sa krimen.
