Nakagwa na si anay Public Works and Highways secretary Manuel Bonoan sa detention kasunod sang mando sang Sandiganbayan.
Si Bonoan ang naka-hospital arrest sa PNP General Hospital sa Camp Crame, Quezon City.
Nahibaluan nga nagbiya ang iya convoy sa ospital alas-10:35 sang aga kahapon.
Ginpaathag naman ni Criminal Investigation and Detection Group – National Capital Region (CIDG-NCR) chief Police Colonel John Guiagui nga wala gilayon natigayon ang release bangud Huwebes sang hapon na nila nabaton ang email.
Suno diri, nagkadto ang CIDG-NCR personnel sa Sandiganbayan agud i-secure ang certification nga nagapamatuod sang release order.
Gintsekyar man sang mga otoridad ang iban nga dibisyon agud masiguro nga wala sang mga pending nga kaso si Bonoan.
Ginpahayag ni Guiagui nga nalipay si Bonoan nga hilway na siya.
Madumduman nga gin-drop sang Sandiganbayan Fifth Division ang anay tiglikom sa mga kaso nga plunder kag graft nga ginapangatubang ni Sen. Jinggoy Estrada.
