Liwat nga ginkwestyon ni Vice President Sara Duterte ang gin-propose sang gobyerno nga paggamit sang balde bilang paghanda sa posible nga epekto sang El Niño phenomenon sa pungsod.
Sa iya nga pagpakighunin-anon sa mga overseas Filipino worker (OFW) sa Hong Kong kahapon, Nobyembre 8, ginpayahag ni Duterte nga indi supisyente ang paghanda sang mga balde agud makatipon sang tubig-ulan, ilabi na kun magdangat sa malala nga epekto ang El Niño.
Santo sa Bise Presidente, dapat tutukan sang gobyerno ang mas malapad nga paghanda, partikular ang pagsiguro sang supisyente nga suplay sang pagkaon sa panahon nga posible may kakulangan sang tubig.
Suno diri, base sa mga paandam sang mga eksperto, posible nga magdangat sa drought ang epekto sang El Niño, kun sa diin mahimo nga magmala ang ginakuhaan sang tubig.
Ginpahayag sang bise presidente nga kinahanglan may yara sang konkreto nga plano ang gobyerno agud masabat ang posible nga epekto sini sa suplay sang pagkaon kag palangabuhian sang mga Pilipino.
Ini ang kasunod sang gin-propose ni President Ferdinand Marcos Jr. nga maghanda sang mga balde agud makatipon sang tubig-ulan bulang kabahin sang pagpreparar sa ginapaabot nga El Niño.
