Ginapaboran ni Bacolod City Lone District Congressman Alfredo “Albee” Benitez ang hagna nga masnagpalawig sa termino sang mga Barangay Officials.
Suno kay Benitez, naaprubahan na sa second reading sa House of Representatives ang House Bill 10971.
Suno sa kongresista mahimo nga maislan ang termino sang Barangay Officials halin sa 3 terms mangin two terms nalang.
Ginpahayag man sini nga madasig man nga matapos ang pagdiskusyon sang hagna sa version sang Kamara kag Senado kun sa diin ginalantaw nga matapos na sa Setyembre.
Ginapaboran man sini ang 5 years, two terms sang mga Barangay Officials bangud bisan diin dal-on ang mga proyekto ang nagakinahanglan sang lima ka tuig agud mapatuman kag matapos ang ila mga programa kag plano.
Ginpahayag sini nga madamo ang nagakahangawa nga magadugay ang pagpungko sang mga opisyales bangud may yara sang mga pasaway apang suno sa kongresista mahimo ang mga ini nga ireklamo sa Office of the Ombudsman agud nga mapasakaan sang kaso.
