21 ka Palestinians, patay sa pagkarumpag sang building nga ginatiniran sang mga evacuees

Patay ang indi magnubo sa 21 ka Palestinian matapos matiphag ang isa ka building sa ciudad sang Gaza nga ginatiniran sang mga evacuees, kahapon.

Ang nasambit nga istraktura ang indi na estable antes pa man ini natiphag bangud sa mga damages tuga sang pagpang-atake sang Israel.

Nagluntad ang insidente samtang nagakatulog ang mga bakwit.

Kalakip sa ginbawian sang kabuhi ang onse ka mga kabataan.

Nahibaluan nga wala sang reconstruction humalin sang nag-umpisa ang ceasefire halos isa ka tuig na ang nakaligad.

Nagpahayag ang Israel nga wala sila nagahatag sang permiso nahanungod sa ‘rebuilding’ ukon ‘reconstruction’ samtang wala pa madis-armahan ang Hamas.

Dugang pa, pipila lamang ka excavators ang gintugutan nga makasulod sa Gaza.