P11, ginalantaw nga makinot kun mapasar ang hagna nga magakakas sa non-technical system loss sa electric bill

P11 kada bulan ang ginalantaw nga makinot sang isa ka simple nga panimalay sa idalom sang hagna nga may katuyuan nga kakason ang non-technical system loss sa sukot sa kuryente.

Sa interpellation ni Senate President Sherwin Gatchalian sa sponsor sang Senate Bill No. 2486 ukon ang Systems Loss Charge Removal Act nga si Senator Erwin Tulfo, ginpahayag ni Tulfo nga nakabase ang pagkinot sa ginabanta nga konsumo nga 200 kilowatt-hours kada bulan.

Samtang, ang non-technical system loss ang nagikan sa mga insidente kaangay sang electricity theft, meter tampering, kag paggamit sang jumper.

Ini ang sahi sang system loss nga luyag kakason sa ginaduso nga hagna agud nga indi na pagipalukdo sa mga konsumidor ang nasambit nga balayran.