Ginpatigayon ang ikalima nga LegisHear: “Bawat Batas Mahalaga” sa Victorias City Coliseum sang Biyernes, Oktubre 2, 2026.
Ang LegisHear ang isa ka nationwide public consultation program nga ginlunsyar sang House of Representatives nga ginpangunahan ni House Speaker Faustino “Bojie” Dy III agud dal-on ang kamara direkta sa lokal nga komunidad para sa paghinun-anon sa mga polisa kag legislative feedback.
Isa sa padayon nga ginaduso ni Negros Occidental 3rd District Representative Javier Miguel Benitez sa House Bill 9088 ukon TUBO Act nga tuyo maproteksyunan ang mga sugarcane farmers batok sa posible nga pagnubo sang millgate price sang kalamay.
Suno kay Benitez, ang pinakamanami nga layi ang ginpatuman sang nagligad nga tuig may kaangtanan sa mga nabiktima sang red-striped soft scale insect (RSSI) nga mga sugarcane farms.
Suno kay Benitez ang Sugar Regulatory Board kag ang Department of Agriculture ang may yara sang short term solution kag may ayuda man nga ginhatag ang Department of Social Welfare and Development sa mga apektado nga farmers and laborers.
Suno sa kongresista, dako ang epekto sang pagtaas sang presyo sang gatong sa mga sugarcane farmers kag dapat mabag-o man ang presyo sang kalamay nga P2,500 kada sako bangud ini ang madugay na nga presyo.
Suno kay Benitez dapat ang floor price ang indi man mapierde ang mangunguma.
Samtang ginpahayag man ni House Speaker Bojie III nga magluwas sa mga ginaduso nga hagna nga maproteksyunan ang mga sugarcane farmers, isa sa mga nalakip sa budget para sa 2027 ang improvement sang Bacolod Silay International Airport.
Ang paglakip nga mahatagan sang pondo ang pagpaimprove sang nasambit nga airport ang ginduso ni Negros Occidental 3rd District Representative Javier Miguel Benitez.
Ini ang ginsuportahan sang mayorya nga miyembro sang kamara.
