Ginpasalig nga hugot ang monitoring sa mga magaperform sa Masskara Street Dance and Arena Competition, partikular na sa school category.
Sa press conference, ginpahayag ni Nestor Guilaran Jr., event director, nga ang mga contingents ukon masskara dancers ang magaperform sang merry making, community dance, kag awarding sa Bacolod City Public Plaza.
Samtang aminado naman si Masskara Street Dance and Arena Competition Chairperson Dr. Bhadz Defensor, nga halos tanan nga mga magapasakop sa school category ang firs timer.
Gani kabahin gid sa ila nga nangin requirement antes makapartispar ang bata amo ang medical certificate.
Ang mga choreographers ang equiped naman ukon may ihibalo sa kun paano mafacilitate nga makondisyon ang endurance kag physical condition sang mga kabataan.
Makabig man nga kabahin sa best practices sa Masskara halin pa sadto amo ang pagpatigayon sang monitoring visits.
Kun sa diin ginalibot nila ang mga eskwelahan kag mga barangay kun sa diin nagapractice ang mga dancers.
Ini agud maseguro nga nagakasunod ang mga guidelines kag mechanics sa kompetisyon, kag maseguro ang kahandaan sang kada contingent.
Sila ang may last minute meeting man agud ma-estoryahan kag ma-address ang mga common concerns.
