Nangayo sang pasaylo ang mga host sa isa ka podcast angot sa mga nangin pahayag nahanungod sa bata ni Kris Aquino nga si Josh.
Kasunod sang kontrobersiya, gintapos man sang podcast network kag production platform ang kontrata sang grupo.
Sa statement nga ginpagwa sa Facebook page sang grupo sang Miyerkules, ginpahayag ni Tito P nga ang ila nga comedy podcast ang isa ka free-flowing discussion nahanungod sa pop culture kag pinoy issues nga nagatuyo nga magpakadlaw sa mga audience.
Samtang, gin-ako naman sini nga nakahambal siya sang mga tinaga nga nakasakit kay Josh nga may autism kag sa iban pa nga nakaeksperyensya sang kaangay nga kondisyon.
Ginpasalig ni Tito P nga padayon siya nga mamati sa mga professional advice agud mas mangin responsable sa palaabuton.
Samtang, nangayo man sang pasaylo si Lawrence Vivar sa natabo.
Ginklaro sini nga wala siya sang intensyon nga manakit.
Suno kay Vivar, ginhambalan niya ang iya nga co-host bangud indi siya ugyon sa mga ginapanghambal sini.
May pila man ka mga TV host ang nangakig sa nangin pahayag ni Tito P lakip na diri si Boy Abunda.
Samtang, wala pa nagpagwa sang pahayag si Kris Aquino angot sa isyu.
