Ginturn-over ni Bacolod City First Lady Maih Gasataya ang P700,000 nga donasyon halin sa “The 80s Party” nga aktibidad sa MassKara Festival 2026 para sa mga pasyente nga may cancer nga ginabuligan sang Corazon Locsin Montelibano Memorial Regional Hospital (CLMMRH) Cancer Center.
Ang turn-over sang donasyon kay Dr. Adonis Guancia, CEO sang foundation kag visiting consultant sa CLMMRH Cancer Center ang gin-updan ni Festival Director Rodney Ascalon.
Ang nasambit nga aktibidad gin-organize sang First Lady kaupod ang Bacolod Gugma Foundation Inc. sang nagligad nga Martes Oktubre 14 nga ginpatigayon sa Barangay Pahanocoy, Bacolod City.
Suno kay First Lady Maih Gasataya nga ang proceeds ang direkta nga nagkadto sa foundation.
Suno kay Gasataya ang registration sa nasambit nga event ang P1500.
Suno diri magluwas sa proceeds sang event may yara ini sang mga abyan nga nagpasalig nga magahatag man sang bulig.
Suno sa First Lady ginpili niya nga buligan ang mga kabataan nga pasyente nga may cancer bangod malapit sa iya tagipusuon ang mga ini kag sila man ang rason nga nagapatigayon ini sang share my meals program siya kun sa diin nagalibot sa mga kabarangayan.
Suno pa diri ang mga bata ang napilian nga beneficiaries bangud nagapati ini nga ang mga kabataan ang paglaom sang future.
