Nagpanawagan ang Department of Foreign Affairs (DFA) sang diplomasya matapos ginkabig nga pagpamahog ang pahayag ni Chinese Ambassador to the Philippines Jing Quan natuhoy sa paggamit sang puwersa batok sa Pilipinas.
Ginpahayag sang Chinese Ambassador nga wala nagapangita sang gamo ang beijing kag dapat pasalamatan nga wala nagagamit sang pwersa ang China batok sa Pilipinas sa diin hapos lang suno sa iya nga pierdehon ang pungsod.
Santo sa DFA, ang kaangay nga mga pahayag ang indi makabulig sa pagpabilin sang pagsalig kag maayo nga relasyon sa tunga sang Pilipinas kag China.
Pahanugyan sang ahensya sa tanan nga mga foreign diplomats nga maghalong sa mga ginabuy-an nga mga pahayag sa publiko.
Madumduman nga nagbaylohanay sang mga pahayag ang opisyal sang Pilipinas kag China matapos ginkontra ni Defense Secretary Gilberto “Gibo” Teodoro jr. ang paglaragway ni Vice President Sara Duterte sa Pilipinas bilang “Troublemaker” sang rehiyon.
Suno kay Teodoro, ginpakigbato lamang sang pungsod ang kinamataron sini sa West Philippine Sea.
