Alas-2:00 pa lamang kaina sang kaagahon, amat-amat na nga gindala sang Sum-ag Elementary School ang ila mga props nga gamiton para sa Street Dance and Arena Competition.
Sa interview sang Bombo Radyo Bacolod kay Sir Richard, bangod elementary category ang una nga magaperform, temprano pa nila gindala sa venue ang ila mga gamiton.
10-wheeler truck man ang gamit nila sa paghakot sang mga props.
Suno diri, target gid nila nga makuha ang kampeonato.
Pahayag sang manunudlo nga naka-grandslam naman sadto ang Sum-ag Elementary School.
Samtang may anom ka dance master kag isa ka trainor naman ang Sum-ag Elementary School.
Suno sa trainor, mas mabudlay tudluan ang School category kun ipaanggid sa Barangay category.
Ini bangod mga bata pa ang kinahanglan tudluan, kag halos tanan ang firstimer.
Apang ginapakamaayo man sini nga makita ang amat-amat nga improvement sa performance sang mga kabataan.
Samtang isa pa sa kabudlayan amo ang budgeting ukon pagbaki-baki sang pondo sa nagkalainlain nga purpose.
Suno diri, may adjustment man sila bangod sa bag-o ang venue kag isa sa mga nangin concern ang pag-ulan.
