Champion ang Bacolod City National Highschool sa Street Dance and Arena Competition Highschool Category sa Masskara Festival 2026.
Sila ang nagbaton sang P750,000 nga premyo kag magluwas sini nakuha man nila ang Best in Theme and Concept, Best in Introduction kag Most Discipline Award.
Samtang, Best in Mask and Costume naman ang Abkasa National High School.
Ang nasambit nga award ang may tig P30,000 nga premyo.
Champion man ang Bacolod City National High School sa Merrymaking; 2nd place ang Abkasa National High School kag 3rd place naman ang Progreso Village National High School.
Sa interview sang Bombo Radyo kay Richard Gelangre, School Principal sang Bacolod City National High School, isa lang ka bulan ang ila practice gani tuman ang iya kalipay nga sila ang nagdaog.
Ginpanginbulahan sini kag ginpasalamatan ang mga dancers, props men, masskara committee, trainors kag sa tanan nga ginikanan nga nagkooperar kag nagsuporta.
Nakuha sang Mandalagan Elementary School ang kampeonato sa Street Dance and Arena Competition Elementary Category kag nagbaton sang P750,000 nga premyo.
1st runner up ang Sum-ag Elementary School nga nagbaton sang P300,000 nga premyo.
2nd runner up ang Montevista Elementary School nga nagbaton san P200,000 nga premyo.
Hakot award man ang Mandalagan Elementary School kun sa diin nakuha man nila ang Best in Mask and Costume, Best in Theme or Concept, Best in Music kag Best in Introduction.
Samtang, Most Discipline Contingent ang Handumanan Elementary School.
Sa Merrimaking naman, champion ang Mandalagan Elementary School sa Merrymaking.
2nd place ang Sum-ag Elementary School samtang 3rd place naman ang Vista Alegre – Granada Relocation Elementary School.
Sa interview sang Bombo Radyo kay Punong Barangay Paul B. Anieve sang Brgy Mandalagan, Bacolod City, tuman ang iya nga kalipay nga nagbunga ang tanan nila nga sakripisyo.
Nagpasalamat ini sa effort sang tanan nga manunudlo, estudyante, ginikanan, sponsors kag sa brgy officials.
Dako man ang iya pasalamat sa Gugma Foundation, kasubong man kay Mayor Greg Gasataya kag Congressman Alfredo “Albee” Benitez sa paghatag sang suporta sa mga contingents.
