Nangin matawhay ang ginpatigayon nga Street Dance and Arena Competition School Category sa Masskara Festival 2026, Sabado, Oktubre 18 suno sa Bacolod City Police Office.
Ginpasiguro ni Bacolod City Police Office (BCPO) Director Police Colonel Eugene Rebadomia nga maayo ang security preparation sang mga kapulisan para sa seguridad sang kompetisyon.
Suno kay Rebadomia, 200 ka mga personnel ang gindeploy halin sa Paglaum padulong sa SM City kalakip ang mga criminology students nagikan sa STI West negros University kag University of Negros Occidental – Recoletos.
Suno diri, ginatutokan gid sang mga kapulisan ang seguridad sa bilog nga selebrasyon agud malikawan ang bisan ano nga insidente.
Ginpanugyan ni Rebadomia sa publiko nga magsunod sa mga ginapatuman nga patakaran sa dalan agud mangin matawhay ang selebrasyon.
Mensahe man sini sa mga festival goers nga maghalong kag mag-inom sang tubig ilabi na tuman ka init ang panahon.
Dugang pa, dapat bantayan gid ang mga upod nga menor de edad.
Pahayag man sini nga indi dapat pagtagaan sang oportunidad ang mga kawatan nga makapangawat gani dapat i-secure gid ang mga butang.
