Posible nga magpagwa sang resolusyon ang Senado kaangot sa pagpanghangkat sang Chinese Embassy sa mga mamalidha nga ideklarar nga persona non grata si Chinese Ambassador to the Philippines Jing Quan bangud sa iya nga pahayag batok sa Pilipinas.
Suno kay Sen. Joseph Victor “JV” Ejercito, gin-estoryahan na sang mga senador ang posibilidad nga magpagwa sang resolusyon kasunod sang nangin pahayag sang Chinese Ambassador to the Philippines nga mahimo nga mahapos nga tumbahon sang China ang Pilipinas kun magamit ini ang pwersa.
Ini ang kasunod sang tensyon sa West Philippine Sea.
Suno sa senador dapat na nga maghulag ang Senado angot sa issue apang wala pa sang final decision angot sa nasambit nga resolusyon.
Ginlaragway ni Ejercito bilang “very rude, hostile, kag undiplomatic” ang mga pahayag ni Jing, nga nagpahayag nga mas ginpili sang China ang kalinong sa pihak sang ikasarang sini nga maggamit sang puwersa.
Para sa senador, mas maayo nga islan na sang Beijing ang Ambassador kun seryoso ini nga kay-uhon ang relasyon sang duha ka pungsod.
