Nagapanawagan ang mga hog raisers sa Negros Occidental sa national government nga hagan-haganon ang importation sang baboy ilabi na ang nagasulod sa probinsya.
Ini kasunod sang pagdumili sang probinsya sang Iloilo nga makapasulod sang baboy humalin sa bulan sang Nobyembre tubtob Disyembre subong nga tuig.
Sa interview sang Bombo Radyo Bacolod kay Ric Lauron, Presidente sang Alliance of Hog Raisers Association of Negros Occidental (AHRANO), wala na sila nakahibalo kun sa diin ibutang ang sobra nga supply sang baboy bangud sa pagdumili sang Iloilo nga makapasulod sang supply sang baboy nagikan sa probinsya.
Suno kay Lauron ini nalang kuntani ang ginalauman nila nga makapabuhin sa supply sa probinsya.
Sa karun padayon ang inventory sang AHRANO sa supply sang baboy agud nga matumod kun ano kadamo ang surplus bangud nagaamat amat naman damo ang consumption ilabi na nga nagselebrar na sang Masskara Festival.
