Ginpamatbatan sang guilty sa murder ang isa ka lider sang kulto nga si Paul Mackenzie kasubong man ang iya mga kaupod may kaangtanan sa kamatayon sang masobra 191 ka mga indibidwal.
Ang nagpakilala nga pastor kag ang iya nga Good News International Church ang nag-organisa sang sekta sang ‘Christian doomsday’ ukon paggunaw sang kalibutan sa diin ginmanduan niya ang mga tumuluo nga magpagutom tubtob sa ila kamatayon, kalakip diri ang mga kabataan.
Gin-aresto si Mackenzie sang 2023 matapos makabaton ang mga otoridad sang impormasyon.
Natukiban ang mga bangkay nga nakalubong sa manabaw nga mga lulubngan sa Shakahola Forest, sa southeastern Kenya.
Si Mackenzie nga na-convict kaupod ang 28 ka mga associates ang nag-insister nga wala nila ginpwersa ang mga biktima nga magpagutom, apang ini ang gin-dismiss sang korte, sa diin gin-anunsyar ang verdict kahapon.
Santo naman sa mga otoridad sang Kenya, masobra 400 ka tawo ang napatay sa Shakahola tragedy, kag ini ang ginkabig nga isa sa pinakamalala nga trahedya sang pungsod may kaangtanan sa kulto ukon religious extremism.
