Ginhatagan sang Bacolod City Legal Office sang 30 ka adlaw ang Barangay Villamonte agud i-liquidate ang P300,000 nga subsidy para sa Electric MassKara 2026.
Nahibaluan nga nangin kontrobersyal ang barangay matapos ang indi maayo nga resulta sang ila float kag wala ginpaparada sang organizer sang nagligad nga Oktubre 16.
Sa budget proposal sang Barangay Villamonte para sa Electric Masskara 2026 sa Costumer All in (Costume, Mask and Shoes), with Lights & Labor of Designer – P90,000; Float- Conceptualized Design & Lights – P80,000; Choreographer Talent Fee – P40,000; Dancers Talent Fee (P2,000/Head × 10) – P20,000; working committee – P40,000; drum beaters- P15,000; Canter/Fuel – P5,000 kag T-shirt / 30 PCS. – P10,000.
Sa interview kay City Legal Officer Atty. Karol Joseph Chiu, ginhatagan lang anay ang Barangay sang tion agud nga mag-liquidate agud nga mahibaluan kun sa diin nagkadto ang kwarta.
Suno kay Chiu, ginsunod lang nila ang memorandum of agreement nga ginpatuman sang mga ini kun sa diin 30 adlaw humalin sang na-release ang pondo nga mag-liquidate.
Dugang sini nga dapat mag-comply ang Barangay Villamonte tubtob sa November 12.
Suno pa sa City Legal Officer,wala sang delay sa bahin sang ciudad sa pag-release sang pondo bangud dululungan ini nga gin-release sa mga participating barangays.
Dugang pa ni Chiu, dapat nagpangita sang paagi ang Barangay Villamonte para makahimo sang maayo nga float bangud nakahibalo naman ini nga kun ang pondo ang maghalin sa City Government ini ang magaagi sa proseso
