Defense Secretary Gilberto Teodoro Jr., ginkondenar ang sarcastic nga komento kasunod sang aksidente sa Philippine Air Force SF-260 aircraft sa Batangas nga ginkamatay sang apat ka mga piloto

Ginkondenar ni Defense Secretary Gilberto Teodoro Jr. ang “sarcastic” kag indi makatawo nga mga komento kasunod sang aksidente sa Philippine Air Force SF-260 aircraft sa Batangas nga ginkamatay sang apat ka mga piloto.

Gintawag ini ni Teodoro nga “unacceptable” kag tampa sa mga sakripisyo sang Armed Forces of the Philippines.

Ginpaathag sang defense chief nga ang formation flying ang kabahin sang military training para ma-develop ang tactical skills kag mabuhinan ang radar visibility.

Samtang ginadepensahan ang training practice, ginpunto ni Teodoro nga wala niya ginadula ang possible nga mga sala gani nagapadayon ang imbestigasyon agod mahibaluan ang rason sang aksidente.