Patay ang isa ka lalaki matapos maglumpat sa pil-as sa Brgy Cabatangan, Talisay City.
Sa interview sang Bombo Radyo Bacolod kay Police Lt Col Salvador Trono Jr, hepe sang Talisay City Police Station, ang biktima ang ginkilala nga si Alyas Jeffrey, 55 anyos, kasado, kag nagapuyo sa kaangay nga Barangay apang medyo malayo sa pil-as sa Sitio Campuestuhan.
Antes ang paglumpat, pahayag sang Barangay Kagawad nga makaduha ka beses niya nga nakita nga nagabalik-balik sa lugar si Jeffrey.
Wala man sang may nakita nga foul play sa natabo, kag bisan ang pamilya sang biktima ang nagapati man nga hungod ang paglumpat sini.
Suno sa pamilya, ang biktima ang may Kidney failure kag ginapaidalom sa dialysis.
Sang damlag lang, ini ang may record man sang mga panic attack.
Panawagan na lamang ni Trono sa publiko nga kun may matalupangdan nga pagbag-o sa hulag sang miyembro sang pamilya, mas maayo nga ini ang tsekyaron, maghatag sang moral support, kag kun kinahanglan hatagan sang intervention.
