Matawhay lamang kag nagapabilin nga manual voting ang general election sa Israel.
Sa interview sang Bombo Radyo Bacolod kay Elvie Aviador Pregua, Bombo International News Correspondent derekta sa Israel, nag-umpisa ang pagboto sang Oktubre 27 kun sa diin ang bata sang iya amo ang nagboto para kay Prime Minister Benjamin “Bibi” Netanyahu.
Nahibaluan nga sa masobra 5 million votes nga una nga na-isip nga boto, nakuha sang majority bloc Likud Party ang 85 percent, apang ini ang kulang pa agud makakuha sang 61 seats para makahuman sang gobyerno.
Sila ang ginalantaw nga makakuha sang 53 seats gikan sa 20-member Knesset ukon ang unicameral parliament sang Israel.
Samtang ang Yashar party sang opposition bloc ni former military chief Gadi Eisenkot ang nakasecure naman sang 48 seats.
Ang Arab parties ngaJoint List kag Ra’am ang ginalantaw naman nga makakuha sang gintingob nga 19 seats sa parliamento.
Suno kay Pregua, matawhay kag madasig lamang ang eleksyon sa Israel.
Nagapati ini nga mas maseguro pa nga maisip ang boto bangod manual voting kag ang nagboto mismo ang naghulog sa box sang papel nga may pangalan sang ginpili nga Prime Minister.
Matapos maghulog, makagwa lamang gilayon ang botante.
Suno kay Pregua, wala man ini sang nabatian nga pagpangampanya sa gwa, luwas sa mga kampanya sa telebisyon, indi kaangay sa Pilipinas nga tuman ang kampanyahanay.
Pahayag sini nga importante man sa mga overseas Filipino workers (OFWs) sa Israel ang eleksyon bangod diri nakasalalay ang ila kaluwasan.
Suno diri, may salig na sila nga safe ang mga ini sa mga pag-atake bangod sa kaisog ni Netanyahu.
Sa pihak nga bahin, apisar nga anay military chief ang iya rival nga si Eisenkot, nagakahangawa ang mga pumuluyo bangod ini ang Arab-Israeli.
Madamo sang mga nagaduha-duha sa posibilidad nga kun ini ang mangin Prime Minister, hatagan na sang ligwa ang mga Arab nga makagwa-sulod sa Israel
Samtang si Netanyahu naman ang pure-Jewish, kag madamo naman sang napamatud-an.
Nahibaluan nga Parliamentary Government ang Israel gani sila ang wala sang Presidente, kag ang pinakamataas nga pwesto amo ang Prime Minister.
