Ginpangayuan sang Korte Suprema sang komento ang Senate impeachment court kag House of Representatives angot sa petisyon nga naga-kwestyon sa voting threshold agud ma-convict si Vice President Sara Duterte sa impeachment trial.
Gin-file nanday Senators Robin Padilla kag Bong Go, sang PDP-Laban, kag iban pa nga mga abogado, ang nasambit nga petisyon.
Sa resolusyon nga may petsa nga Oktubre 14, ginhatagan sang Supreme Court ang duha ka chamber sang lima ka adlaw humalin sang nabaton ang abiso agud magsumiter sang komento.
Ini ang kasunod sang botohay sang Senate impeachment court sang Miyerkules, kun sa diin gin-aprubahan sang 13 ka mga senator-judges ang exclusion sang mga senador nga nakapriso, suspendido, ukon legal nga indi mahimo ang ila katungdanan, sa pag-isip sang two-thirds vote nga kinahanglan para sa verdict ni Duterte.
Sa karon, 20 na lamang ang ginakabig nga senator-judges, katumbas sang 13 ka boto ang kinahanglanon nga two-thirds threshold matapos i-round up ang 13.333.
