Ginapahanda na ni North Korean leader Kim Jong Un ang militar sang North Korea para sa giyera.
Ini ang nagmando sa mga commander sang Korean People’s Army nga siguruhon nga handa ang kada unit para sa isa ka gyera.
Ginpagwa sang state-run media nga Korean Central News Agency (KCNA) ang nasambit nga pahayag kasunod sang pagbisita ni Kim Jong Un sa isa ka event kaupod ang mga military officials sang NoKor.
Base sa naggwa nga pahayag, ginapahanda sang North Korean president ang militar nga magpaidalom sa extensive training.
Antes sini, nagpatigayon pa sila sang ‘Third Meeting of Company Leaders’ sa tunga ni Kim Jong Un kag sang mga military leaders sang nasambit nga pungsod.
Ini ang natabo sa Pyongyang sang Oktubre 22 kag 23.
Ginmanduan sini ang mga commander nga magtukod sang pinakamabaskog nga army kag padasigun ang Korean-style military revolution paagi sa pag-train sang mga mabaskog nga military units.
Santo sa state-run media sang NoKor, ini ang una nga pagtilipon sang bug-os nga army sang pungsod humalin sang 9th Congress sang Workers’ Party sang Pebrero.
