Ginpaathag sang Education Program Suprevisor in Social Studies sang Department of Education division of Bacolod City nga ang pagkomemorar sang Al Cinco de Noviembre ukon Negros Day ang indi lamang Holiday kundi pagdumdum sang kaisog sang Negrense.
Sa interview sang Bombo Radyo kay Dr Pinky Pamela Guanzon, PHD Education, Education Program Supervisor in Social Studies – DepEd Bacolod, ginpaathag sini nga natabo ang 1898 bloodless revolution sang Nobyembre 5 apang opisyal nga nagsurrender ang mga espanyol sang Nobyembre 6.
Gani, ang Bacolod Public Plaza ang may historical name nga Plaza del 6 de Noviembre.
Nagalaum naman ini nga mabalik ang sentimental marker sa Bacolod City Old City Hall bangud suno kay Guanzon, dako ang role sini bangud diri nagpirmahanay sang dokumento ang Spanish forces sa idalom ni Colonel Isidro de Castro nga nagsaylo sa kontrol sang local revolutionary leaders nga sanday General Aniceto Lacson kag Juan Araneta.
Suno kay Guanzon, importante nga indi malipatan sang young learners kun diin sila naghalin kag mahibaluan ang local history kasubong man ang kaisog kag kaalam sang Negrense.
Kun sa diin paagi lamang ginrolyo nga amacan kag gindesinyo nga kaangay sa kanyon, kag mga paklang sang lubi nga ginpintahan agud mangin kalaragway sang armas, nag-atras ang Spanish forces nga naghatag sang kahilwayan sa probinsya.
