Nabaton na sang probinsya sang Negros Occidental ang P665 million nga financial assistance sa idalom sang National Disaster Rehabilitation and Reconstruction Assistance Program (DRRAP) para sa mga lugar nga apektado sang paglaslas sang Bagyo Tino kag mga aktibidad sang Bulkan Kanlaon.
Kahapon, ginpangunahan ni President Ferdinand Marcos Jr. ang Ceremonial Turnover sang P8.645 billion para sa 306 LGUs kalakip na ang probinsya sang Negros Occidental nga apektado sang kalamidad halin sang 2024 tubtob 2026.
Nagpadulong sa Malacañang si Governor Eugenio Jose “Bong” Lacson agud batunon ang financial aid.
Lima ka LGUs ang makabatun sang tig-P100 million nga bulig pinansyal nga ginalakipan sang La Carlota City, Binalbagan, La Castellana, Moises Padilla, kag Bago City.
Sa speech sang Presidente, ginhatagan sini pagtamod ang importansya sang paghatag sang direkta nga suporta sa mga lokal nga panguluhan agud mapadasig ang rehabilitasyon sang mga komunidad kag mabalik ang nagapanguna nga serbisyo kag pangalabuhian sang mga pumuluyo.
Suno kay Marcos, kun ang pagtindog ang paga-istoryahan, indi pwede nga pahulaton lamang ang mga pumuluyo.
Bangud ang kwarta ang gikan sa mga pumuluyo nga apektado sang kalamidad.
Ginpaathag sang Presidente nga wala sang lugar ang kurapsyon sa nasambit nga programa bangud ang pondo ang indi para sa bisan sin-o nga luyag magmanggaranon sa tunga sang nagakaeksperyensyahan nga trahedya.
