Ginbatikos ni Senator-Judge Raffy Tulfo ang paglikaw ni Davao City Accountant Vingelin Bajan sa pagsabat, matapos nga wala niya ginasabat ang pamangkot kun iya ang pirma sa dokumento nga ginpresentar sa impeachment court.
Sa cross examination, gintindugan ni Tulfo nga simple lamang ang pamangkot kag ini ang pagsabat kun iya ang pirma sa nasambit nga dokumento ukon indi.
Nagpaandam man ang Senador nga mahimo ma-contempt ang testigo kun padayun nga indi derekta nga magsabat sa mga pamangkot sang impeachment court.
Suno kay Tulfo, kun sa simple nga pagkilala pa lamang sa kaugalingon nga pirma indi na makasabat si Bajan, mas mabudlay ang pagpamangkot diri sa mga komplikado na nga topiko nga ginatalakay.
Si Bajan ang ikatatlo nga testigo nga ginpresentar sang depensa sa ika-41 nga adlaw sang impeachment trial batok kay Vice President Sara Duterte.
Kalakip sa ginatalakay kag ginsabat sang depensa ang balor nga P64,194.72 nga ginbayad kay Duterte sang 2023, sa panindugan nga ini ang salary differential ukon pagbag-o sa sweldo.
Kaangay nga stressed na si Presiding officer Sen. Francis “Chiz” Escudero matapos nga halos indi magsabat si Bajan sa mga pamangkot tuhoy sa accounting firm kun sa diin siya ang anay miyembro.
Panindugan ni Escudero nga anay miyembro si Bajan sang accounting firm nga ginapamangkot gani siya ang competent nga makasabat.
Pahanumdom man sini nga ginapamangkot lamang ang testigo kag wala nagakahulugan nga ini ang may nahimo nga sala ukon illegal.
