Natigayon kahapon ang una nga paghinambalanay sang Russia kag Ukraine sa pagpatunga sang Estados Unidos.
Ini ang ginlaragway ni U.S. Secretary of State Marco Rubio nga “very productive” samtang ginsiling naman ni Ukrainian President Volodymyr Zelenskyy nga ang pag-istoryahanay ang nangin positibo kag makahulugan.
Apisar nangin maayo ang resulta sang meeting, nagapabilin nga mabudlay ang pagdesisyon nga tapuson na ang gyera bangud wala pa sang dalagko nga kasugtanan nga nalab-ot sa nauna nga tatlo ka peace talks sang duha ka pungsod sini nga tuig.
Wala pa sang nakita nga senyales nga magabag-o ang posisyon sang Russia kag Ukraine.
Apang, nagbag-o ang pila ka mga sitwasyon sa negosasyon.
Kalakip diri ang resulta sang midterm elections sa Estados Unidos kag ang nagalala nga pressure sa ekonomiya sang Russia bangud sa padayon nga pagpondo para sa gyera.
Samtang nagahilapit na ang tigtulugnaw, mas ginpabaskog pa sang Russia ang mga pag-atake sini sa mga pasilidad sang kuryente sang Ukraine.
Wala naman nagtambong sanday Rubio kag Zelenskyy sa hinambalanay sa Abu Dhabi.
Ang sesyon ang naglawig sang apat ka oras kag natalana nga mag-resume subong nga Miyerkules.
