Ginmando ni Trial Presiding Officer Chiz Escudero nga panason sa Transcript of Stenographic Notes (TSN) ang tinaga nga ‘absurd’.
Ang isyu ang nagtuhaw sang ginpamangkot ni Defense counsel Atty. Justin Nicol Gular ang ila witness nga si Atty. Suzette Balucanag-Punay angot sa forensic report sang former House witness nga si Atty. Alexander Cabrera.
Gintawag ni Punay nga ‘absurd’ ang nasambit nga report bangod may mga figures nga wala nagasanto sa record sang korporasyon.
Gilayon naman nga nag-object ang private prosecutor nga si Atty. Lorna Kapunan kag ginrequest nga mapanas sa record ang tinaga nga ‘absurd.’
Panindugan ni Kapunan, nga wala sang basehan si Punay para tawgon nga sala ang forensic report ni Cabrera.
Apisar sa gamay nga sabtanay nanday Kapunan kag Gular, ginpaboran man ni Escudero ang pagpanas sa record sang nasambit nga tinaga.
