Isa ka Italian chef sa Brisbane, Australia ang ginkakas sa trabaho matapos nagbalibad nga magbutang sang pinya sa pizza bangud ini ang ginakabig niya nga insulto sa kultura sang Italyano.
Santo sa report, tatlo ka beses na nga nagbalibad ang chef nga si Davide Tamburella sa sulod sang apat ka tuig nga paghimo sang ham-and-pineapple pizza para sa mga customer.
Apang, ginpaathag sang tag-iya sang restaurant nga may iban pa gid nga issue si Tamburella magluwas sa pizza.
Gindala sang chef ang kaso sa Fair Work Commission, apang ini ang ginbasura bangud ulihi na ini nga na-file.
Samtang, natunga naman ang opinyon sang publiko sa sociao media natuhoy sa tradisyon sang pagluto kag ang luyag sang mga customer.
Sa karon, temporaryo nga nagatrabaho si Tamburella sa lain nga Italian restaurant sa Brisbane nga wala sang pineapple pizza sa menu.
