Matalupangdan ang nangin bayluhanay sang talakayan nanday House private prosecutor Atty. Lorna Kapunan kag sa ika-apat nga witness sang depensa nga si Atty. Suzette Balucanag-Punay matapos ini nagsabat nga “I prefer not to answer, Your Honor,” sa cross examination sa impeachment trial ni Vice President Sara Duterte.
Ini ang natabo sang ginpamangkot ni Kapunan ang witness kun ginadumilian sa konstitusyon sa Bise Presidente nga magbatun sang iban pa nga sweldo luwas sa iya sweldo bilang Bise Presidente.
Sa baylo nga derekta nga magsabat, ginpahayag ni Punay nga indi niya luyag sabtun ang pamangkot.
Bangod sini, ginpahanumduman ni presiding officer Sen. Francis “Chiz” Escudero ang witness nga lain ang ‘wala niya nahibaluan ang sabat’ sangsa ginsambit sini nga ‘indi niya luyag magsabat’ sa pamangkot.
Kasunod sini, ginbag-o ni Punay ang iya sabat kag ginhambal nga wala ini nakahibalo sang sabat.
Ang pamangkot ang kadungan sa pagtalakay sa mga kwarta nga nabatun ni Duterte gikan sa iya mga investment, kalakip na ang nareport nga P46,875 nga capital sa Davao Bounty Times Food Corporation nga gina-alegar nagbalik sang P2.14 million.
