Balor P340K nga suspected shabu, narecover sa 22 anyos nga lalaki sa Brgy 8, Bacolod City

Narecover ang P340,000 nga balor sang suspected shabu sa 22 anyos nga lalaki sa Prk Narra Baybay, Brgy 8, Bacolod City alas-4:31 kahapon sang hapon.

Ang operasyon ang ginpatigayon sang Bacolod City Drug Enforcement Unit, kun sa diin naaresto si Alyas Yam, single, wala sang trabaho, residente sa nasambit nga lugar.

Narecover diri ang 15 ka sachet sang suspected shabu nga ginabanta nagabug-at sang 50 gramos nga may standard drug price nga P340,000.