Ginkumpirmar sang Department of Foreign Affairs (DFA) nga magatambong si US President Donald Trump sa Association of Southeast Asian Nations (Asean)-US Special Summit sa palaabuton nga Nobyembre 17.
Magatilipon ang mga lider sang Southeast Asia kag ila dialogue partners sa Philippine International Convention Center (PICC) sa Pasay City halin Nobyembre 15 tubtob 18 para talakayon ang nagkalain-lain nga regional kag global challenges.
Pangunahan ni President Ferdinand Marcos Jr ang summit nga maga-umpisa sa Dominggo, kag diri man istoryahan ang ASEAN priorities kalakip ang sitwasyon sa Myanmar.
Ginalauman nga magtambong ang mga lider sang Vietnam, Cambodia, Brunei, Indonesia, Laos, Malaysia, Singapore, Thailand, kag Timor-Leste.
Samtang magaserbe naman bilang tiglawas sang Myanmar ang director general sang Asean Affairs Department sang ila Foreign Ministry.
Guest of the Chair naman ang mga lider sang Brazil kag Canada kaupod ang mga representante sa International Monetary Fund.
Yara man sa pagtilipon ang ASEAN dialogue partners kalakip diri ang Australia, China, India, Japan, New Zealand, South Korea, Russia, United Nations, kag United States.
Magatakop ang pagtilipon sa pag-turnover sang Asean chairmanship sa Singapore kag pagasundan sang Asean-US Special Summit nga pagatambungan ni Trump.
