Nasuspender ang mga transportasyon kag pila ka operasyon sang gobyerno sa Spain bangud sa ginpatigayon nga hublag-protesta.
Ini ang labing-una nga general strike sa sulod sang katorse ka tuig.
Ila nga ginapanawagan ang isyu sa housing kasubong man sang mataas nga presyo sang mga balaklon sa nasambit nga pungsod.
Pila sa mga protesta ang ginpatigayon sa Madrid kag Barcelona.
Ang mga protesta ang natabo pila ka adlaw antes ang parliamentary elections nga patigayunon sa Nobyembre 29.
Ginpahayag naman sang Spanish Confederation of Business Organisations nga wala sang dako nga epekto ang nasambit nga hublag-protesta sa diin nagapadayon gihapon ang ila mga negosyo.
Pila man ka mga demonstrador ang gin-aresto sang mga otoridad ilabi na ang mga nag-attempt nga magsulod sa mga opisina sang gobyerno.
