BACODNI-MANIBELA, nag-upod sa pagprotesta batok sa Pax Silica; Grupo, liwat nga nanawagan nga pamatukan ang modernization program
-- ADVERTISEMENT --

Nagapanawagan ang presidente sang BACODNI-MANIBELA (Bacolod Alliance of Commuters, Operators, and Drivers–Negros Island,) sa mga driver kag operator nga wala pa nag-paconsolidate para sa Public Transport Modernization Program (PTMP) nga updan sila sa pagpamatok sa modernization program sang gobyerno.

Kahapon, ang BACODNI MANIBELA ang nag-upod man sa rally sang pila ka mga progreso nga grupo agud ipanawagan ang pagpamatok sa pagtukod sang PAX SILICA sa Luzon kasubong man ang jeepney modernization program.

Sa interview sang Bombo Radyo Bacolod kay Rudy Catedral, nagapati sila nga sa ASEAN Summit talakayon man ang jeepney modernization program gani nag-upod sila sa rally agud nga balabagan ini.

Suno kay Catedral, indi nila masarangan ang P3.4 million nga balor sang modernized jeep ukon ang electric vehicle gani wala sila sang rason nga mag-upod sa programa.

Ginpahayag sini nga indi sila mag-upod sa programa nga mangin rason sang pagkadula sang ila pangabuhian bangud sa bancruptcy sa rason nga indi na ang mga ini makabayad sa loan sa bangko bangud sa kamahal sang unit.

-- ADVERTISEMENT --

Pahayag man sini nga ginalantaw sang ila nga nagtuman ka mahal ang unit sang modernize jeep kag electric jeepney bangud sa mark-up sang mga government officials kasubong man sang mga politiko.

Dugang pa sini nga wala sang problema para sa ila nga grupo ang pag-upod sa Public Transport Modernization Program (PTMP) kun masarangan lamang ang bili sang modernized unit.

Suno kay Catedral, ginapanawagan man nila ang locally made nga modernized jeepney unit bangud kun ini ang ginhimo sang local assembler sang jeep mas makabarato nga salakyan nga sa pagbanta sini nga yara lamang sa P800,000 ang presyo sini.

Magluwas nga barato ang locally made nga modernized jeepney unit, makahatag man ini sang dugang employment sa mga Pilipino.

Samtang, nakita man sini nga kun sin-o man ang magapungko nga tiglikom sang Department of Transportation nga magaugyon sa ila panawagan ang ginasaylo sa iban nga departamento sang gobyerno ukon gina-suspend.